من طرف SaracenGirl الجمعة ديسمبر 12, 2008 5:45 pmالسلام عليكم ورحمته الله وبركاته
احلى تحيه لاحلى اعضاء
طبعا الكل داخل يتخانق معايا يا جماعه اسمعوني يمكن يكون عندي حق
انا بتكلم على دار الافتاء العشوائيه الي بينصبها اي رجل او اي امراه
عندما ياتي احد يبوح له ما في صدره من مشاكل
مشكله انك ترمي همومك في حضن حد كل الي بيعملو انو يكرهك من عشتك
ويشكك في كل الي حواليك وقد يشكك في ان الدم الذي يجري داخل عروقك
هو ماء وليس دم طبيعي
يا جماعه تعبنا
اي حد بيواجه مشاكل ودا شئ طبيعي يمكن مع ((ماماتك-باباك-اخوك-اختك- عمك-عمتك ... -صحابو -حبيبتو -زوجتو-مديرو -....الخ ))
اي حد في الدنيا ولما يروح علشان يشتكي ويفضفض لاي حد تبداء دار الافتاء
بعملها الجبار الي بجد تحسد عليه
ويبدا اي حد بتشتكيلو ودا بقا من المشاع الايام دي يقدرلك النيه السيئه
تعالو نسمع بعض العبرات الي مفيش خلاف عليها
- اتخنقت مع باباك : ياعم كبر دماغك هو شويه وهيهدا هو هيفضل خنقك
ياعم احنا شباب فيه فجوه بينه وبينهم هما مش قادرين يفهمونا هما مش بيحسو بينا
هما فاكرين انهم هما بس الي شايلين الهم وهما ميعرفوش اد ايه احنا بنعاني
(( وايه بقا معناتك يا حبيبي الي انت بتعنيها ))
مش لاقي شغل مش لاقي شقه راضي اني ميكنش عندي عربيه وفلان عندو
راضي ان مغيرش الموبيل بتاعي بصراحه انا مصروفي مش بيكفيني وابتديت اضحي بجزء من مصروف الجيل
ويبتدي يسودلك الحياه ويياسك من كل حاجه حوليك ويقفل اي طريق امل
وتخرج من عند صحبك بدل ما كنت عندك مشكله واحده تافهه بقا عندك
هموم الدنيا والاخره
((غلبان يابني والله لاء عندك حق ))
- اتخنقت مع مامتك :ياعم كبر هي هتسكت امك اصلها عايزه تعمل لنفسها شخصيه على اخر الزمن يعني هي سيباك كل دا وجايه تتكلم دلوقتي ولا هي غرضها تقرفك وتخنق عليك وبس
بص بص تلاقيها عايزه منك حاجه انا عارف الامهات دي مش بتقلب الا لما تبقا عايزه منك حاجه بتفتكر انها ام بقا
-اتخانقت مع حبيبتك او حبيبك : هي كلمه واحده بتتقال في كل المواقف
ياعم اتقل عليها دول كلهم زبا له بص نفضلها هتلقيها جت تجري وراك
دي اصلا تلاقيها تعرف عليك ميت واحد
وتبدا الخطط الشيطانيه والاختبارات
يابني او يا بنتي مبقاش فيه امان والله انتي الي طيبه
بصي او بص انتي حره او حر بالي هيحصلك هيلعب شويه
وبعدين ينفضلك مبقاش فيه حد محترم بص شوفحوليك
دا حتى المنقبه وام اسدال اهيه بتعمل وبتعمل
ويجبلك كل الامثال الشعبيه الممكنه ((عسل))
ياعم كبر دماغك دول ولاد تيييييييييييييييييييييت
اه اسئلني انا انت بس علشان مش بقالك كتير محبتش
طب تعرف دا الواد مش عارفه مين حصل معاه كذا وكذا وكذا
وبت مين حصل معاه كذا وكذا وكذا
ياعم انت مش عايش ولا ايه اه اسئلني انا
والقرعه دي مش من فراغ
ويعقدك من الدنيا والي فيها وتبقا خارج مستني لحبيبتك دي على كلمه
منت شفت القرعه بقا
-اتخانقت مع مراتك او جوزك : غريبه يا جدع الستات دي مش كانت عايزه تتجوز وخلاص
اديك اتجوزتها هي عايزه منك ايه تاني الستات دول خميره عكننه
ياعم لو معجبتكش ابقا طلقها بلا وجع دماغ والستات ((خلع ))
ربنا يخليكي لينا يا حقوق المرأه
اذا دخل الجواز من الباب خرج الحب من الشباك
يابني اصلا البنات دول مش بيبقو كويسين قبل الجواز الا علشان يتجوزو
يابنتي خلاص هو عايز ايه تاني مهو اتجوزك خلاص خلاص بقا يروح يعيش
مع واحده غيرك الحب ما انتي معاه علطول
يابنتي االرجاله دول نمرده ............ لوك لوك لوك
مع اي حد في الدنيا : يابني الناس دي لازم تتديها على دمغها علشان يمشو عدل ويحترموك
اه خليك واد جامد كدا ((عايزين عربجي بيتعامل مع الناس ))
ولو حد وقف معاك قوله انا ابويا لواء وهو هيكسس علطول
ياعم الناس مبقاش فيها خير وكل واحد عايش لنفسو وخيرا تعمل شرا تلقا
وعيش ندل تموت مستور .... لوك لوك لوك
حرااااااااااااااااااااااااااااااااااااااااااااااااااااااااااااااااااااااااااااااااااااااااااااااااام
كفايا بقا
انتو بذمتكو ايه رائكو في الي بيحصل دا
والمصيبه اننا رامين نفسنا لناس تغني وترد على نفسها وكل واحد عامل نفسو فهيم
وابو العوريف
لييييييييييييييييييييييييييييييييييييييييييييييييييييييييييييه ؟؟؟
عمركوش سئلتو نفسكو ليه تخلو ناس معقدين يتحكمو في حياتكو كدا
عمركوش قعدتو مع نفسكو وحسيتو ان دي حياتكو وانتو بس الي المفروض تمشوها
وانت المفروض تكون انتوتخوض مع الناس زي ما هما ظهرين ليك مش زي ما المتعارف انو يكون موجود
للدرجادي احنا اغبيه
للدرجادي مش قادرين نثق في احساسنا وتفكيرنا يعني مش فاهم انو هو الي غلط لانو مش بيهديك بل بالعكس بيكرهك في كل شئ حواليك في نفسك واهلك ودراستك
صحبتك الي بتحكلها دي ممكن تخرب بيتك وتضيع منك جوزك
الي بيحبك وبتحبيه
علشان بتعمل من الحبه قبه وبتقدر البلاء قبل وقوعه
صحبك دا هو الي مخلي عشتك نكد مع مراتك وحبيبتك ومخليك مش طايقها
نداااااااااااااااااااااااااااااااااااااااااااااااااااااااء عاجل
يا جماعه انت وانتي كبار بما فيه الكفايا
مترميش ودنك لصحبتك او لماماتك او لاختك
او حتى لوحده من الشارع
مدام مش بتقول كلمه طيبه
((فيقل خيرا او ليصمت ))
متديش ودنك وتسمعي نصايح الحياه هي الي هتعلمك
فمكرتوش الناس دي مين الي علمهاوانت مش من حقك تتعلم انت كمان
مش ممكن يكونو هما اتعلمو غلط
يا جماعه الي انتو مش قادرين تفهمو
((ان داخل اي وحش قلب ينبض))
ايه رائك تيجي نتحدى دار الافتاء المحبطه ؟؟
ونعيش نفسنا !! ونتعلم !!
يا جماعه لو قدرتو النيه الطيبه واتعاملت مع ((القلب))مع
((الانسان ))
يا جماعه احنا بشر هنكون محتاجين ايه غير حب بجد وامان
واستقرار وسعاده
مش علشان زوجه فولان الي كان بيعملها كويس خانتو يبقا كل الستات خينين
فين عقلكو فين انتو يا جماعه مفيش قاعده معممه
ياله نسد ودانا عن دار الناس المحبط الي ملهمش لازمه غير انهم
يعيشوك في فشل
وكآبه ونكد ونعيش احنا كما نحب ان نعيش
وانتو يا ناس بالله عليكو كفايا بقا تعبنا بلاش تنشرو ثمومكم على كل الناس
وسيبو الناس في حالها كفايا خراب بقا اتقو الله
وسيبو الناس تعيش الكلمه الطيبه صدقه
رب كلمه طيبه تصلح علاقه ممكن كانت تنتهي وتعمر بيت
تعالو نفرض النيه الحسنه وبلاااااااااااااااااااااااااااااااااااااااااش نحكي
بلاش نخرب على نفسنا بيوتنا وحياتنا
ياله ادو نفسكو فرصه تفكرو وتعيدو حسابتكو وشريط حياتكو
وشوف خسرت اد ايه وفشلت اد ايه بسبب ناس مش همها انك تعيش سعيد
رغم انها ممكن تكون اقرب الناس لي وهما فاكرين انهم بينصحوك
وانت عارف ان كل دا طالع بممنطلق الحب لاوانهم خايفين عليك
بس هما كدا بيدمروك منغير ما يعرفو
انت وقفهم قلهم انا عارف انكم بتحبوني بس انتو كدا بدمرو حياتي
عيش نفسك قبل ما يدمر حياتك حد غيرك
انت مش هتعيش في الدنيا دي الا مره واحده بس
طبعا عرفتو انا اقصد مين هما دار الافتاء العشوائيه
اسفه للاطاله بس حسيت انها مشكله كبيره اوي
وهي السبب الي منكد علينا حياتنا
اختكم في الله ساره
مع السلامه
