من طرف ديسك توب الإثنين ديسمبر 15, 2008 10:45 pmهالوووووووووووووووووووووووووووووو
ازيكم ياجماعة
كنت غايب عنكم فترة كبيرة ومبعملش مواضيع بس صدقونى كل دا علشان دايما بدورلكم على المواضيع
والاخبار الحصرية
طب والنعمة بدورلكم على مواضيع واخبار حصرية
امبارح كان فى اشاعة بتتكلم عن جوز جزم طايرين فى الهوا
قال صحيح الكلام دا؟؟؟
انا طبعا لما سمعت الاشاعة دى قلت لا لازم اتاءكد بنفسى وفعلا بعد بحث وعناء طويل قدرت اشوف مشهد
الاحذية اللى بتطير بنفسى
وهنا فى سؤال بيطرح نفسة
اية علاقة الاحذية الطايرة بالاطباق الطايرة؟؟؟
كان لازم نوجة السؤال دا لوكالة NASA الفضائية واللى قالت فى تقريرها على موقعها على الانترنت
انها حذرت العالم من خطر الاطباق الطايرة من 5 سنوات ولكن كانت المفاجئة ان الخطر مطلعش من الاطباق
دا طلع من الجزم الطايرة
اما مجلس الامن فا اعلن اندهاشة التام لوجود جزم بتطير وقال ان دى معجزة 2008
واصدر قوانينة على الفور وهى :
*ممنوع حضور المؤتمرات الصحفية والرسمية بالجزم وكل واحد هيدخل حافى
ماهو مش كل شوية الجزمة هتطير
كدا المرتب مش هيكفينا جزم طول الشهر
وانا عن نفسى هخرج من بيتنا وهسيب جزمتى فى البيتوفى نفس الوقت تحركت الشركات والمصانع الصينية على الفور ولم تهداء حتى ابتكرت لنا
اعظم اختراع فى تاريخ البشرية وهو
الجزمة الالكترونية
وهى جزمة فيها خاصية الاستشعار عن بعد ودى مبترضاش تتقلع من رجل صاحبها غير فى بيتة فقط
وبالتالى هنقضى على مشكلة الجزم الطايرة
وجاءت شركة صينية منافسة اخرى وابتكرت جزمة ب اوبشن مختلف شوية
وهو ان الجزمة هتبقى فيها نظام صوتى بحيث ان لما تطير تقول
انتبة من فضلك الجزمة تطير الى الوجة
وبردوا هنا نقدر ناخد حذرنا على ما الجزمة توصل للوجة بالسلامة نكون احنا اترمينا تحت اى حاجة لحد ماتعدى
اما شركات الملابس والمنتجات الرياضية فاستغلت الموقف تمام الاستغلال واعلنت عن خطورة الموقف
وبالفعل انتجت شكرة اديداس (شنكار) او اداة واقية بتتلبس فى الوجة وهى مزودة بانظمة تحمل الصدمات
وبالذات الصدمات ذات الكعب العالى
اما شركة نايك فا انتجت جزمة عليها صور اللاعيبة امثال(بيكهام ورونالدو وميسى)
ومن هنا اعلنت كل الشركات شكرها لصاحب الجزمة لانة كان سبب فى نفاذ كل منتجاتها من السوق
وانتعاش اقتصادها وارباحها
وخصصت الشركات مساحات واسعة فى الصحف والمجلات العالمية للتعبير عن الشكر لصاحب الجزمة
وقالتلة : شياكة الرجل فى جزمتة
وبصراحة الراجل جزمتة كانت طايرة وهى بتلمع لمعان غريب وتساءلوا عن نوع الورنيش المستخدم للجزمة
وهنا قامت فورا شركات الورنيش لانتاج نوع ورنيش خاص للجزم الطايرة
اما جمعيات الاطبقا الطايرة فا اعلنت غضبها بعد ماكانت واكلة الجو طول الفترة اللى فاتت
جاءت الجزمة الطائرة لتحل محلها
واعلن مسؤلوا الاطباق الطائرة عن العنصرية والتفرقة بينهم وبين الجزم الطائرة
وعجبى
المصدر قناة الجزيرة الفضائية
(exclusive)
بس انت عارفنى دمى حر ومبخافش من حد ولا حتى منك شخصيا
